ଓଡିଶାର ବ୍ରହ୍ମଣ ସମ୍ପ୍ରଦାୟ ଜନଜାତି ମଧ୍ୟରୁ କେତେକ ଗୀତ
ବୋଲି ଭିକ୍ଷା ମାଗିଥାନ୍ତି | ଏମାନଙ୍କୁ ଚକୁଳିଆପଣ୍ଡା
ବୋଲି କୁହାଯାଇଥାଏ | ସେମାନେ ପରଂପରାକ୍ରମେ ଗୀତ ମୁଖସ୍ଥ କରି ପୂର୍ଣ୍ଣିମୀ,
ଅମାବାସ୍ୟା, ଏକାଦଶୀ, ଗ୍ରହଣ, ସଂକ୍ରାନ୍ତି ପ୍ରଭୃତି ପ୍ରସିଦ୍ଧ ଦିନମାନଙ୍କରେ ହାତରେ ତାଳପତ୍ର
ଛତା ଧରି ଦାଣ୍ଡରେ ଭିକ୍ଷା କରି ବୁଲନ୍ତି | ଦାନର ମହିମା, ସତ୍ ମାର୍ଗର
ମର୍ଯ୍ୟାଦା ବୁଝାଇବା ଉଦ୍ଦେଶ୍ୟରେ ସେମାନ ବଡ଼ ମର୍ମ୍ମସ୍ପର୍ଶୀ ଗୀତ ବୋଲନ୍ତି | ଏ ଗୀତକୁ ଗଦ୍ୟ ଭଳି
ସେମାନେ ବୋଲିଯାଉଥିଲେ ମଧ୍ୟ ପଦ୍ୟର ପ୍ରଭାବ ଯଥେଷ୍ଟ ପରିମାଣରେ ଅନୁଭୂତ ହୁଏ | ଏଥିରୁ ଧର୍ମଶିକ୍ଷା ମଧ୍ୟ
ବହୁତ ହୁଏ | ପ୍ରାଚୀନ ପୌରାଣିକ ଘଟଣାର ସୂଚନା ଏହି ଗୀତମାନଙ୍କରେ ଥିବାରୁ
ଶ୍ରୋତାର ଜ୍ଞାନର ବିକାଶ ମଧ୍ୟ କେତେକ ପରିମାଣରେ ହୋଇଥାଏ |
No comments:
Post a Comment